Аб прадпрыемстве

Вытворчае рэспубліканскае ўнітарнае прадпрыемства “Гроднааблгаз” уваходзіць у сістэму Дзяржаўнага вытворчага аб’яднання “Белпалівагаз” Міністэрства энергетыкі Рэспублікі Беларусь.

Асноўная задача – бяспечнае і бесперабойнае забеспячэнне прыродным і звадкаваным газам спажыўцоў Гродзенскай вобласці. На ўсіх этапах працы, ад мантажу бытавых прыбораў да здачы пад ключ складаных сістэм газазабеспячэння, мы імкнемся да найвышэйшай якасці і бяспекі.

Пачаўшы газіфікацыю вобласці з газабалонных установак звадкаванага газу, наша прадпрыемства за кароткі гістарычны час вырасла ў шматпрофільнае прадпрыемства, якое выконвае ўвесь комплекс работ, звязаных з газіфікацыяй, газазабеспячэннем, праектаваннем і будаўніцтвам, дыягностыкай і кантролем якасці сістэм газазабеспячэння.

Створаныя вытворчыя базы нашых падраздзяленняў, сістэмны падыход і намаганні нашых спецыялістаў і рабочых стварылі ўмовы, пры якіх у Гродзенскай вобласці, першай у рэспубліцы, на канец 1997 года прыродны газ быў пададзены ў кожны раённы цэнтр, а ў 2008 годзе была завершана падача прыроднага газу ў пасёлкі гарадскога тыпу.

УП «Гроднааблгаз» - гэта:

2286 працуючых
5 філіялаў
13 раёнаў газазабеспячэння
1 газанапаўняльная станцыя
Сельскагаспадарчае вытворчае ўпраўленне «Пратасаўшчына».

Прыродны газ пастаўляецца ва ўсе гарады, раённыя цэнтры і гарадскія пасёлкі вобласці. Інтэнсіўнае развіццё газазабеспячэння сельскіх тэрыторый дазволіла газіфікаваць 194 аграгарадка вобласці, 593 сельскіх населеных пунктаў.

На абслугоўванні прадпрыемства знаходзіцца:

9 230,4 км газаправодаў рознага ціску
421 595 газіфікаваных кватэр
326 газарэгулятарных пунктаў
996 шафных газарэгулятарных пунктаў
619 станцый катоднай абароны.

Разгалінаваная сістэма газазабеспячэння дазваляе ажыццявіць газіфікацыю прыродным газам аграгарадкоў, выконваць з апярэджаннем праграму газіфікацыі жыллёвага фонда на вёсцы, вызначаную Прэзідэнтам Рэспублікі Беларусь А.Р.Лукашэнка і ўрадам.

На прадпрыемстве створаны высокапрафесійны калектыў - калектыў аднадумцаў, для якога няма невырашальных задач.

Пастаяннае ўдасканаленне сваіх прафесійных навыкаў, набыццё новых ведаў і вывучэнне сучасных тэхналогій гэта адзіны шлях на сённяшні дзень, што дазваляе паўнаварта выконваць складаныя аператыўныя заданні, увесь час захоўваючы ўстойлівую дынаміку руху наперад.